Омода намудани 298 нафар зан ба вазифаҳои роҳбарӣ

Душанбе, 26 январ. (АМИТ “Ховар”, Ибодат Давлатова).-Шумораи занону духтароне, ки дар вазорату идораҳои Ҷумҳурии Тоҷикистон фаъолият менамоянд, ба 4586 адад расид, -зикр гардид дар нишасти матбуотии Кумитаи кор бо занон ва оилаи назди Ҳукумати Ҷумҳурии Тоҷикистон.  Кумита бо мақсади иҷрои “Барномаи давлатии тарбия, интихобот ва ҷобаҷогузории кадрҳои роҳбарикунандаи ҶТ аз ҳисоби занону духтарони лаёқадманд барои солҳои 2007-2016” дар якҷоягӣ бо вазорату идораҳои дахлдор махзани кадриро дар ҳайати 298 нафар омода намуда, ба бахши мушовири давлатӣ оид ба сиёсати кадрии дастгоҳи иҷроияи Президенти Ҷумҳурии Тоҷикистон пешниҳод намуд. Инчунин соли сипаригашта шуъба ва бахшҳои кор бо занон ва оила 26 курси омӯзишии “Зан- роҳбар”, “Нақши зан дар сиёсат”, “Гендер ва тараққиёт” -ро доир намуданд.