Омодагӣ ба 38-умин вохӯрии Шӯрои мудирони БИР

Душанбе, 14 январ. (АМИТ «Ховар», Покиза Маҳмадбекова). — Дар Душанбе вохӯрии вазири рушди иқтисод ва савдо Шариф Раҳимзода бо ҳайати намояндагони Бонки исломии Рушд таҳти роҳбарии ноиби Президенти БИР Аҳмад Тиктик доир гардид.  Аз рӯи иттилои Вазорати рушди иқтисод ва савдои ҷумҳурӣ дар ҷараёни мулоқот перомуни нақшаю барномаҳо ва татбиқи лоиҳаҳо аз ҷониби Бонки мазкур дар бахшҳои иқтисод ва тиҷорат, энергетика, рушди соҳаҳои воқеии иқтисод, омӯзиши таҷриба ва дигар самтҳои иқтисодию иҷтимоӣ мубодилаи афкори судманд сурат гирифт. Ҳамчунин дар ҷараёни мулоқот самтҳои дигари ҳамкориҳои иқтисодии барои тарафайн судманд мавриди арзёбӣ қарор гирифта, ба омодагиҳо ҷиҳати баргузории 38-умин вохӯрии Шӯрои мудирони БИР, ки моҳи майи соли 2013 дар шаҳри Душанбе ба нақша гирифта шудааст, таваҷҷуҳи бештар дода шуд.