Омодагии пойтахт ба Наврӯз

Душанбе, 28 январ.(АМИТ «Ховар», Марзия Саидова).-Масъалаи омодагии пойтахт ба ҷашни пуршукуҳи байналмилалии Наврӯз дар ҷаласаи кории мақомоти иҷроияи маҳаллии ҳокимияти давлатӣ дар шаҳри Душанбе, ки таҳти раёсати Маҳмадсаид Убайдулоев, раиси шаҳри Душанбе баргузор гардид, баррасӣ шуд. Раиси шаҳр таваҷҷуҳи ҳозиринро ба таҳияи нақшаи истиқболи Наврўзи байналмилалӣ, ки таҷассумгари ободӣ, озодӣ ва ҳамоишу эҳёи табиат ва инсонҳо дар роҳи созандагӣ бояд бошад, нигаронид. Мавсуф гуфт, ки соли равон оммавияти Наврӯз, ки ҷашни аҷдодист, бо истиқболи он дар сатҳи маҳаллаву шаҳракҳо бо инобати фалсафаи бо замона дар Наврўз тоза шудан, ки ҳар хонаи сокини шаҳр наврўзхона бошад, таъмин карда хоҳад шуд. Зикр гардид, ки то охири моҳи январ се гуруҳи корӣ, ки аз ҳисоби Иттифоқи нависандагони Тоҷикистон, Академияи илмҳо ва Вазорати фарҳанги кишвар созмон дода шудааст, нақшаҳои таҳия намудаашонро ба шаҳрдорӣ пешниҳод созанд.13.48.