Омодагии Тоҷикистон ба чорабинии сатҳи баланд
Душанбе, 31 январ.(АМИТ «Ховар», Марзия Саидова).- Ҷумҳурии Тоҷикистон дар робита ба омодагӣ ба конфронси байналмилалии сатҳи баланд оид ба ҳамкорӣ дар соҳаи об тадбирҳои мушаххас меандешад. Дар робита ба ин имрӯз дар шаҳри Душанбе таҳти раёсати муовини аввали вазири мелиоратсия ва захираҳои оби ҷумҳурӣ Султон Раҳимов ҷаласаи нахустини гуруҳи корӣ ҷиҳати омодагӣ ба конфронси мазкур баргузор гардид. Зикр шуд, ки Маҷмааи кулли Созмони Миллали Муттаҳид /СММ/ соли 2010 пешниҳоди Президенти Ҷумҳурии Тоҷикистон Эмомалӣ Раҳмонро дар мавриди эълон намудани соли 2013 «Соли байналмилалии ҳамкорӣ дар соҳаи об» ба инобат гирифта, бо дастгирии якдилонаи кишварҳои аъзои ин созмони бонуфуз қатъномаи махсус қабул намуд, ки тибқи он Соли 2013- соли байналмилалии ҳамкорӣ дар соҳаи об эълон гардид. Иштирокдорони ҷаласа доир ба омодагии Тоҷикистон ба ин чорабинии сатҳи байналмилалӣ-конфронси сатҳи баланди ҳамкорӣ дар соҳаи об табодули назар карданд. Зикр шуд, ки Конфронси байналмилалӣ 20-21 августи соли равон дар шаҳри Душанбе бо иштироки намояндагони кишварҳои аъзои СММ ва созмонҳои бонуфузи байналмилалӣ баргузор мегардад. Дар ҷаласа гуруҳҳои корӣ вобаста ба мавзуъҳое, ки дар ҷараёни конфронс матраҳ мегарданд, созмон дода шуданд. Инчунин лоиҳаи консепсияи конфронси байналмилалии сатҳи баланд оид ба ҳамкорӣ дар соҳаи об баррасӣ гардида, ҷиҳати мукаммал намудани он аз ҷониби аъзои гуруҳи корӣ пешниҳодҳои ҷолиб ва мушаххас ироа шуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






