Озмуни «Рушд Бизнес-инфо» барои хабарнигорон
Душанбе, 22 январ . (АМИТ «Ховар», Сарвинози Руҳуллоҳ) –Шўрои ҳамоҳангсозии ассотсиатсияҳои соҳибкорон ва иттиҳодияҳои ҷамъиятии Тоҷикистон шумораи нахустини нашрияи расмии худро бо номи «Рушд Бизнес-инфо» аз чоп баровард. Дар ин бора ба АМИТ «Ховар» аз ассотсиатсияи мазкур хабар доданд. Рисолати аслии нашрия аз баррасиву таҳлили масъалаҳои соҳибкорӣ, таҳқиқи мушкилоти соҳа ва роҳҳои ҳалли он, пешбинии дурнамои рушди соҳибкорӣ ва лоиҳаҳои инноватсионӣ дар соҳибкории ватанӣ, инчунин муаррифии соҳибкорони муваффақ ва дар маҷмуъ ба вуҷуд овардани фарҳанги мутамаддини соҳибкорӣ дар кишвар иборат мебошад. Тавре ки хабар дода шуд, нашрияи «Рушд Бизнес-инфо» бо забони тоҷикӣ нашр шуда, шуруъ аз соли нави 2013, Шўрои Ҳамоҳангсозӣ дар доираи фаъолияти нашрияи расмии худ, миёни рўзноманигорон ва коршиносони соҳавии кишвар озмуни беҳтарин мақолаҳоро дар мавзўи соҳибкорӣ низ эълон доштааст, ки ҳар семоҳа натиҷаҳои онро эълон мекунад. Муаллифони мақолаҳои беҳтаринро барои ҷойи аввал – 1000 сомонӣ, ҷойи дуюм – 600 сомонӣ, ҷойи сеюм – 400 сомонӣ ва ҷойи чорум – 200 сомонӣ мукофоти нақдӣ интизор аст.Мақолаҳо ба нишонаи электронии Шўро – ksbat@mail.ru ё дафтари кории он дар шаҳри Душанбе: бинои меҳмонхонаи «Гулистон-тур», ошёнаи 2-юм қабул мешаванд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






