Пешниҳоди маҳсулоти нуқрагин аз «Майрамбибӣ»

Душанбе, 8 январ. (АМИТ «Ховар», Дилшодаи Хайруллоҳ).- Дар шаҳри Қӯрғонтеппа як корхонаи хурди заргарии ҶДММ «Майрамбибӣ» ба истифода дода шуд, ки дар он маҳсулоти заргарии нуқрагин бо анъанаҳои халқии тоҷикӣ истеҳсол мешаванд.Дар айни замон дар корхонаи заргарӣ 10 нафар фаъолият дорад ва тибқи нақша дар оянда 40 нафар бо ҷойи нави корӣ таъмин мешаванд.Мавриди тазаккур аст, ки дар доираи қарори Ҳукумати Ҷумҳурии Тоҷикистон «Дар бораи тасдиқи нақшаи амал оид ба таъсиси корхонаҳои саноатӣ дар солҳои 2012-2013» соли 2012 дар ҷумҳурӣ 237 корхона ва коргоҳи нав бо 5 356 ҷийи кор, аз ҷумла дар вилояти Хатлон 67 корхона ва 42 коргоҳ таъсис ёфтааст.