Пешниҳоди ниҳолҳо ба мизоҷон

Душанбе, 7 январ. (АМИТ «Ховар», Назир Назиров).- Муассисаи давлатии хоҷагии ҷангали Кумитаи ҳифзи муҳити зисти назди Ҳукумати Ҷумҳурии Тоҷикистон маълумотномаи миқдори ниҳолҳои ороишӣ (ҳамешасабз), мевадиҳанда, сояафкан ва гулҳоро дар хоҷагиҳои ниҳолпарварии ҷумҳурӣ пешниҳод намудааст. Тибқи он дар хоҷагиҳои ниҳолпарварии Муассисаи давлатии хоҷагии ҷангали Кумитаи ҳифзи муҳити зисти назди Ҳукумати Ҷумҳурии Тоҷикистон 39 намуди ниҳолҳо тайёранд. Ниҳолҳоро аз муассисаҳои тиҷоратии хоҷагиҳои ниҳолпарварии ноҳияҳои Исмоили Сомонии шаҳри Душанбе, Зафарободи вилояти Суғд, Қабодиёни ноҳияи Қабодиён, Восеи ноҳияи Восеъ, вилояти Хатлон, Ваҳдати шаҳри Ваҳдат, ноҳияи Рашт ва аз Мортеппаи ноҳияи Ҳисор дастрас намудан мумкин аст.