Пирӯзии теннисбозони тоҷик дар Эрон
Душанбе, 30 январ. (АМИТ «Ховар», Музаффар Рустамов).– Варзишгарони тоҷик дар риштаи тенниси рўи миз дар ҳайати ҷуфтӣ дастаи Озарбойҷонро бо натиҷаи 4 бар1 мағлуб карда, дар даври дигар аз тими Эрон шикаст хӯрданд ва ҳамин тавр, медали биринҷии мусобиқоти байналмилалиро ба даст оварданд. Мусобиқаи мазкур дар шаҳри Қазвини Ҷумҳурии Исломии Эрон аввали моҳи январи соли 2013 баргузор шуд ва дар ин мусобиқа Тоҷикистонро се варзишгар: Ҳусейн Сомониев, Ҳувайдулло Султонов ва Дамири Шодӣ намояндагӣ карданд. Баъди анҷоми мусобиқа ин варзишгарони тоҷик дар машғулиятҳои таълимию варзишӣ тӯли 10 рўз дар ин кишвар ширкат намуданд. Ба иттилои сухангӯи Кумитаи миллии олимпии ҶТ Муродалӣ Тешаев охири моҳи феврал Федератсияи тенниси рўи миз дар кишвар чемпионати Ҷумҳурии Тоҷикистонро баргузор менамояд ва аз миёни онҳо лаёқатмандонро ба чемпионати ҷаҳон, ки 13 — 20-уми май дар шаҳри Парижи Фаронса доир мешавад, интихоб намуда, равон хоҳад кард.
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
