Риоя нашудани қоидаҳои бехатарӣ аз ҷониби мансабдорон

Душанбе, 15 январ. (АМИТ «Ховар», Мавзуна Бойева).- Дар ҷараёни гузаронидани назорати техникӣ 52 нафар шахси мансабдори корхонаҳои қайдшуда барои риоя накардани қоидаҳои бехатарии саноатӣ ба ҷавобгарии маъмурӣ кашида шуда, шахсоне ки ба камбудиҳои ҷиддӣ роҳ додаанд, тибқи Кодекси ҳуқуқваронкунии маъмурӣ ҷарима карда шуданд. Маблағи умумии ҷарима 25 545 сомониро ташкил медиҳад, -гуфт имрӯз дар нишасти матбуотӣ ба хабарнигорон муовини аввали Саридораи назорати давлатии бехатарии корҳо дар саноат ва соҳаи куҳкории назди Ҳукумати ҶТ Исроил Аламов. Мавсуф ҳамчунин зикр кард, ки Саридора ба нақша гирифтааст, то дар оянда бо мақсади пурзӯр намудани назорати давлатии бехатарии корҳо тамоми тадбирҳои лозимиро андешида, талаботи санадҳои меъёрию ҳуқуқиро оид ба бехатарии саноатӣ дар корхонаҳои саноатӣ ва кӯҳкории ҶТ таъмин намояд.