Рушди саноат дар Кӯлоб

Кӯлоб, 7 январ.(АМИТ «Ховар», С.Холов). – Дар шаҳри Кӯлоб барои фаъолияти корхонаҳои саноатӣ шароити зарурӣ фароҳам оварда шуда, иҷрои барномаҳои рушди саноати сабук ва истеҳсоли маҳсулоти ниёзи мардум зери назорат қарор дорад. Тибқи маълумоти оморӣ ҳаҷми истеҳсоли маҳсулоти саноатӣ дар ин давра ба 99 млн. 748 ҳазору 600 сомонӣ расидааст. Ба иттилои мудири бахши саноат, энергетика ва нақлиёту коммуникатсияи шаҳри Кӯлоб Баҳром Садиров нишондоди мазкур нисбат ба ҳамин давраи соли гузашта 6 млн. 569 ҳазору 900 сомонӣ зиёд буда, буда рушди соҳа 107,1 фоизро ташкил медиҳад.Дар ин давра аз ҳисоби маблағгузории дохилӣ 14 корхонаи саноатӣ ва зиёда аз 12 сехи истеҳсолӣ ба кор дароварда шуда, барои 351 нафар шаҳрванд ҷойи кори доимӣ муҳайё гардид.