Сафарбаркунии муташаккилона дар вилояти Суғд

Душанбе, 4 январ. (АМИТ «Ховар», Ибодат Давлатова).- Новобаста аз сардии ҳаво ва ба Ватан баргаштани қисми зиёди муҳоҷирони меҳнатӣ, имрӯзҳо дар вилояти Суғд сафарбаркунии муташаккилонаи муҳоҷирони меҳнатӣ ба Федератсияи Русия идома дорад.Cардори Раёсати Хадамоти муҳоҷират дар вилояти Суғд Зайнура Шарифова гуфт, ин иқдом дар ҳамкорӣ бо субъектҳои хоҷагидор амалӣ мешавад. Дар давоми моҳҳои ноябр-декабр бо мусоидати ҶСШК «Нақлиёт» 30 нафар муҳоҷири меҳнатӣ-шаҳрванди ҶТ ба вилояти Хабаровск сафарбар гардид. Муҳоҷирони меҳнатӣ аз тариқи расмӣ, тибқи шартномаи ҳамкории дуҷониба ба муддати як сол фиристода шуда, аз ҷониби кордиҳанда бо маблағи роҳкиро, ҷойи кору зист, либоси кориву хӯроки гарм таъмин мешаванд. Бояд гуфт, ки пеш аз сафари муҳоҷирон намояндагони Раёсат бо онҳо суҳбат ороста, оид ба қоидаҳои будубош, касбомӯзию забономӯзӣ ва пурзӯр намудани корҳои фаҳмондадиҳию иттилоотӣ мулоқот анҷом доданд. Ёдовар мешавем, ки аз 9 субъекти хоҷагидоре, ки дар миқёси вилояти Суғд фаъолият менамоянд, дар айни замон 3 субъекти хоҷагидор ҷиҳати бо кор таъмин кардани муҳоҷирони меҳнатӣ машғул мебошад.
Дар ин бора ба АМИТ «Ховар» аз шуъбаи Хадамоти муҳоҷират иттилоъ доданд.