Таъсиси марказҳои иттилоотӣ дар «Рушди деҳот»

Душанбе, 24 январ . (АМИТ «Ховар», Сарвинози Руҳуллоҳ) –Аз ҷониби Муассисаи давлатии маркази идораи лоиҳаи «Рушди деҳот» марказҳои иттилоотию маслиҳатрасонии кишоварзӣ ва омӯзиши бозор дар ноҳияҳои Рӯдакӣ, Ваҳдат, Файзобод ва шаҳри Душанбе кушода шудаанд, ки онҳо барои сари вақт ва фаврӣ дастрас намудани маълумоти зарурӣ мусоидат менамоянд. Нақшаҳои корӣ, сатмҳои фаъолияти марказҳои мазкур, раванди корбурд ва бо ҷои кор таъмин намудани мутахассисон дида шуда, 32 нафар мутахассиси маҳаллӣ, аз ҷумла 12 нафар зан бо кор таъмин шуд,-зикр кард директори Муассисаи давлатии маркази идораи лоиҳаи «Рушди деҳот» Усмон Сабзов.  Дар ин муддат 42 нафар мушовирони байналмилалӣ, 168 нафар олимону мутахассисони маҳаллӣ ва зиёда аз 8 ҳазор истиқоматкунандагони ноҳияҳои пилотӣ бо кори муваққатии аз 2 то 5- сола таъмин гаштанд.