Таъсиси маркази омӯзиши забонҳо ба таври пилотӣ

Душанбе, 30 январ. (АМИТ «Ховар», Музаффар Рустамов).- Мулоқоти муовини сардори Хадамоти муҳоҷирати назди Ҳукумати Ҷумҳурии Тоҷикистон Саидғуфрон Абдулло бо сариқтисодчии Раёсати давлатӣ ва бахши молияи Бонки рушди Осиё Асад Сумбал доир гардид.Зимни мулоқот Саидғуфрон Абдулло доир ба самтҳои асосии фаъолият ва корҳое, ки то кунун тавассути Хадамоти муҳоҷират анҷом дода шудаанд, ёддовар шуд. Асад Сумбал аз пазироии роҳбарияти Хадамоти муҳоҷират ва меҳмоннавозии мардуми тоҷик изҳори ташаккур намуда, доир ба мушкилоти муҳоҷирони меҳнатӣ ва таҷрибаи кишвари Филиппин дар самти муҳоҷирати меҳнатӣ ва лоиҳае, ки қарор аст дар ин замина таҳия шавад, ибрози андеша намуд.Ў доир ба масоили муҳоҷирати меҳнатӣ, касбомӯзии муҳоҷирон ва дигар мушкилоте, ки дар ин замина ба вуҷуд меоянд, пурсон шуд. Муовини сардори Хадамоти муҳоҷират ба саволҳои Намояндаи Бонки Рушди Осиё посухҳои мушаххас дода, пешниҳод намуд, ки ба таври пилотӣ дар яке аз минтақаҳои тобеи марказ маркази омӯзиши забонҳои хориҷӣ ташкил шавад.Дар фарҷоми мулоқот ҷонибҳо ризоияти худро баҳри тақвияти ҳамкориҳо ва мулоқоти навбатӣ ҷиҳати таҳияи лоиҳа дар самти касбомӯзӣ баён доштанд.