Таътили зимистона фарогири бозиҳои варзишӣ

Кӯлоб, 18 январ. (АМИТ «Ховар», С.Холов). – Бо мақсади оммавӣ гардонидани варзиш дар байни ҷавонону наврасон таътили зимистонаро мактаббачагони ноҳияи Данғара бо гузаронидани бозиҳои гуногуни варзишӣ идома дода, ҳамзамон ба гузаронидани маҳфилҳои адабӣ ва дарсҳои иловагӣ ҷалб мегарданд. Мактабҳои варзишӣ ҳанӯз аз рӯзҳои аввали таътил шумораи зиёди мактаббачагонро ба бозиҳои варзишӣ ва дарсҳои иловагӣ фаро гирифтанд. Ба гуфти Баҳром Рустамов, мудири бахши ҷавонон, варзиш ва сайёҳии шаҳри Кӯлоб дар таътили зимистонаи имсола навъҳои гуногуни мусобиқаҳои варзишӣ доир шуда, ҳайати дастаҳо фаъолтар гардиданд. Ҳоло дар бозии баскетбол 6 даста, дар вазнбардорӣ 3 даста, дар футбол 12 даста, дар намудҳои гуногуни гӯштин 8 даста ва дар бозиҳои шоҳмоту шашка 12 даста бо ҳам сабқат доранд.