Тоҷикистон бо хатарҳо муқовимат мекунад?

Январь 11, 2013 15:24

Душанбе, 11 январ.(АМИТ «Ховар», Марзия Саидова).-Кадом хатарҳо вуҷуд доранд, ки ба амнияти миллии давлати мо ва кишварҳои минтақа таҳдид менамоянд? Дар посух ба ин савол Сайфулло Сафаров-муовини директори Маркази тадқиқоти стратегии назди Президенти ҷумҳурӣ зимни нишасти матбуотӣ 11 январ дар Душанбе ба хабарнигорон гуфт, ки хатарҳое, ки ба амният ва суботи кишвари мо ва минтақа халал эҷод менамоянд, гуногунанд. Хусусан нооромии вазъият дар Афғонистон ва хуруҷи нерӯҳои низомии Созмони Аҳдномаи Атлантикаи Шимолӣ /СААШ/ ва Амрико аз қаламрави ин кишвар, мушкилоти иқтисодию иҷтимоӣ, аз ҷумла паст шудани сатҳи иқтисодиёти ҷаҳон, ба буҳрони молиявӣ дучор гардидани баъзе аз кишварҳои ҷаҳон, бахусус давлатҳои Аврупоӣ аз ҳамин қабиланд. Мавсуф таъкид кард, ки Ҳукумат ва давлати Тоҷикистон ҷиҳати ҷилавгирӣ ва муқовимат бо ин хатарҳо тадбирҳо меандешад. Дар ин росто Худойбердӣ Холиқназаров-муовини аввали директори Маркази тадқиқоти стратегии назди Президенти кишвар мегўяд, ки бо хуруҷи нерӯҳои низомии Амрико ва СААШ аз Афғонистон, ки соли 2014 марҳила ба марҳила сурат мегирад, интизор меравад, ки дар асоси Созишномаи ҳамкориҳои стратегӣ, ки байни Афғонистон ва Амрико ба имзо расидаанд, ҳудуди аз 20 то 60 ҳазор сарбозу афсари амрикоӣ ва нерўҳои низомии СААШ дар хоки ин кишвар боқӣ хоҳад монд ва онҳо ҷиҳати омода намудани мутахассиони низомии нерӯҳои амниятии Афғонистон ва таъмини амнияти ин кишвар дар ҳолатҳои муташанниҷ саҳм хоҳанд гузошт. Зикр шуд, ки воқеан масъалаи қисман баровардани нерӯҳои низомии Амрико ва иттифоқчиёни он аз сарзамини Афғонистон на танҳо Тоҷикистон, балки кишварҳои дигари минтақаро ба ташвиш овардааст, зеро фаъол будани гуруҳҳои террористию ифротгаро, хусусан харакати «Толибон» дар Афғонистон, ки намояндагони дигар кишварҳои Осиёи Марказӣ низ дар ин гуруҳои ифрогаро шомиланд, барои амнияти давлатҳои минтақа хатар ба бор меоранд. Дар ин самт давлати Тоҷикистонро зарур аст, ки ҷиҳати таҳкими марзҳои худ бо Афғонистон ва таъмини суботу амнияти кишвар тадбирҳои таъхирнопазир андешад.

Январь 11, 2013 15:24

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд