У. Қурбонов: Ба ДДТТ аз 15 мамлакати хориҷӣ ба таҳсил меоянд

Душанбе, 11 январ. (АМИТ «Ховар», Ибодат Давлатова).- Яке аз самтҳои Донишгоҳи тиббӣ- ин фаъолияти робитаҳои байналмилалӣ ва ҷалби бештари шаҳрвандони хориҷӣ ба таҳсили илм, таҳкими корҳои тарбиявӣ ва фарҳангӣ дар байни донишҷӯёни хориҷӣ мебошад, гуфт зимни нишасти матбуотӣ ректори ДДТТ ба номи Абуалӣ ибни Сино Убайдулло Қурбонов.Ӯ афзуд, ки ба донишгоҳ аз 15 мамлакати хориҷӣ ба таҳсил меоянд ва бояд гуфт, ки дар соли 2011 дар донишгоҳ 500 нафар донишҷӯи хориҷӣ таҳсил мекарданд. Аз онҳо 150 нафараш донишгоҳро бо муваффақият хатм карда, дар айни ҳол дар донишгоҳ 451 нафар донишҷӯ аз хориҷи кишвар таҳсил доранд.Дар давраи ҳисоботӣ бо мақсади таҳкими дӯстиву бародарии донишҷӯёни миллату халқҳои гуногуни донишгоҳ Низомномаи баргузории «Рӯзҳои фарҳангии донишҷӯёни хориҷӣ дар ДДТТ» таҳия ва тасдиқ карда шуд. Дар ин давом Рӯзҳои фарҳангии Ҷумҳурии Исломии Покистон, Туркманистон ва Ҷумҳурии Ҳиндустон дар сатҳи баланд баргузор гардид.