Захираҳо афзун-бозорҳо арзон

Кӯлоб, 31 январ. (АМИТ «Ховар», С.Холов). – Раёсати ҷамъияти матлуботи ноҳияи Кӯлоб гардиши мол ва хӯроки умумиро ба 2 миллиону 497 ҳазору 600 сомонӣ расонид, ки ин шумора нисбат ба ҳамин давраи соли гузашта ду баробар афзуда, 106 фоизи нақшаро дар бар мегирад. Дар давраи тирамоҳу зимистони солҳои 2011 – 2013 масъулини ҷамъият мувофиқи шартнома аз хоҷагиҳои вилояти Суғд ба шаҳри Кӯлоб 205 тонна картошка, 105 тонна пиёз ворид сохта, бо нархи арзон дастраси мизоҷон гардониданд. Дар айни ҳол дар анбори ҷамъияти матлубот 201 тонна картошка, 256 тонна сабзавот, 227 тонна пиёз, 40 тонна мева, 80 тонна ғалладона, 75 тонна ангиштсанг ва дигар маҳсулоти ниёзи мардум захира шудааст. Дар ин давра аз тарафи ҷамъият ярмаркаҳои фурӯши маҳсулоти кишоварзӣ дар шаҳри Душанбе, Қӯрғонтеппа, Хоруғ, Роғун ба роҳ монда шуд.