Захираи кофӣ барои зимистонгузаронӣ

Кӯлоб, 26 январ. (АМИТ «Ховар», С.Холов). – Матлуботчиёни ноҳияи Ховалинг бо истифода аз захираҳои дохилӣ миқдори муайяни маводи хӯрокӣ ва маводи сӯхт захира намуда, ба савдо бароварданд, ки ин дар муътадил нигоҳ доштани нарх дар марказҳои савдо ва бозори марказии ноҳия мусоидат мекунад. Бо назардошти сард будани иқлими ноҳияи Ховалинг ҳамасола матлуботчиён захираи меваю сабзавот, картошкаю пиёз, орду равған, шакар ва дигар намуди маводи хӯрокиро зиёд гардонида, ин мавсим дар захира намудани маводи хӯрокӣ ва сӯзишворӣ барои зимистонгузаронӣ соҳибкорони маҳаллиро низ ҷалб намуданд. Ба гуфти кормандони раёсати матлуботи ноҳияи Ховалинг захираи имсола кофӣ буда, бастани шартномаҳои ҳамкорӣ бо хоҷагиҳои деҳқонӣ барои захираи маҳсулот барои солҳои минбаъда аллакай аз оғози соли 2013–ум шуруъ гардидааст.