Ғалабаи «Равшан»-у «Истиқлол»

Душанбе, 28 феврал. (АМИТ «Ховар», Баҳманёр Муродов).-Қаҳрамони дукаратаи футболи кишвар— дастаи «Истиқлол» — и Душанбе дар бозии навбатии санҷишии худ дар шаҳри Қайроққуми вилояти Суғд дастаи «Жетису»-и Қазоқистонро бо ҳисоби 5:4 шикаст дод. Тӯбҳои дастаи «Истиқлол» -ро дар ин бозӣ Фатҳулло Фатҳуллоев, Ҷаҳонгир Эргашев, Соҳиб Саванқулов, Дилшод Восиев ва Иброҳим Рабимов вориди дарвозаи ҳариф карданд. Ҳамчунин қаҳрамони феълии футболи Тоҷикистон дастаи «Равшан» — и шаҳри Кӯлоб, ки имсол дар мусобиқаи Ҷоми Конфедератсияи футболи Осиё низ бозӣ хоҳад кард, дар бозии навбатии санҷишияш бо тими футболи «Ӯротеппа» бо ҳисоби 3:2 пирӯз омад.