Ҳамкории Тоҷикистон ва Британияи Кабир

Душанбе, 12 феврал. (АМИТ «Ховар», Покиза Маҳмадбекова). — 11 феврал дар шаҳри Душанбе мулоқоти вазири молияи Тоҷикистон Сафаралӣ Наҷмиддинов ва Сафири Фавқулодда ва Мухтори Британияи Кабир ва Ирландияи Шимолӣ дар Тоҷикистон Робин Орд – Смитт баргузор гардид. Тавре ки аз котиботи Вазорати молияи кишвар ба АМИТ «Ховар» хабар доданд, дар ҷараёни мулоқот аз рӯи масоили мубрам ва дурнамои ҳамкории ҳар ду кишвар дар бахшҳои молия ва фаъолияти бонкӣ табодули афкор сурат гирифт.Мувофиқи суханони манбаъ, ҷонибҳо ба раванди татбиқи лоиҳаҳои муштараки байнидавлатӣ, ҳамчунин таҳкиму густариши муносибатҳои дуҷониба дар соҳи савдо, ҷалби сармояҳои Британия ба соҳаҳои ояндадори Тоҷикистон таваҷҷӯҳи хоса зоҳир намуданд. Дар ҷараёни мулоқот ҳамчунин ҷиҳатҳои дигари ҳамкории Тоҷикистону Британия, ки диққати тарафайнро ба худ ҷалб менамоянд, мавриди муҳокима қарор гирифтанд.