Ҳамоиши рўнамоии китоби «Фарҳанги Доро»

Душанбе, 14 феврал. (АМИТ «Ховар», Раъно Нусратуллоева).-Имрўз дар толори Китобхонаи миллии Тоҷикистон маросими расмии рўнамоии китоби «Фарҳанги Доро» баргузор гардид.Лозим ба ёдоварист, ки китоби мазкур бо ибтикори Пажуҳишгоҳи фарҳанги форсию тоҷикии Сафорати Ҷумҳурии Исломии Эрон дар Тоҷикистон ба чоп омода гардида, натиҷаи заҳматҳои чандинсолаи шоири маъруфи тоҷик, барандаи Ҷоизаи давлатии Тоҷикистон ба номи Рўдакӣ Доро Наҷот мебошад.Дар ҳамоиш вазири фарҳанги ҶТ Мирзошоҳрух Асрорӣ, Сафири Ҷумҳурии Исломии Эрон дар Тоҷикистон Алиасғари Шеърдӯст, директори Пажуҳишгохи забон, адабиёт, шарқшиносӣ ва осори хаттии Академияи илмҳои ҶТ Акбар Турсон, муҳаққиқон аз Академияи илмҳои ҶТ, адибони шинохтаи кишвар ширкат намуда, доир ба китоби мазкур фикру мулоҳизоти хешро баён намуданд.