Ҳунарнамоии тоҷикон дар Маскати Салтанати Уммон
Душанбе, 20 феврал. (АМИТ «Ховар», Раъно Нусратуллоева).- Муассисаи давлатии сафарию ҳунарии “Базморо”-и Вазорати фарҳанги Ҷумҳурии Тоҷикистон ва Ширкати ҳавопаймоии “Сомон Эйр” иштироки ҷониби Тоҷикистонро дар Фестивали байналмилалии фарҳангии кишварҳои Осиёи Марказӣ, ки дар шаҳри Маскати Салтанати Уммон аз 13 то 18 феврали соли 2013 баргузор гардид, тибқи муаррарот ва расмиёти марбута таъмин намуд. Тавре ки сармутахассиси Вазорати фарҳанги ҷумҳурӣ Раҳматулло Раҳматуллоев ба хабарнигори АМИТ «Ховар» хабар дод, дар чорабинӣ аз ҷониби Тоҷикистон зиёда аз 50 нафар, аз ҷумла ансамблҳои раксии «Чаманоро», «Маҳастӣ», ансамбли созҳои миллии «Дилнавоз»-и вилояти Суғд ва ансамбли рақсии “Рухшона” аз шаҳри Душанбе ширкат намуданд. Мавриди зикр аст, ки барномаи ҳунарии ҷониби Тоҷикистон, ки фарогири санъату ҳунари миллӣ буда ва дар сатҳи баланди касбӣ омода гардида буд, аз ҷониби ширкатдорони ҳамоиш мавриди истиқбол қарор гирифт. Силсилачорабиниҳои ҳамоиш дар Кохи муҳташами Шоҳигарии Операи Маскат баргузор гардиданд ва тибқи барномаи Фестивал бояд ҷониби Тоҷикистон як маротиба дар муддати 45 дақиқа рӯзи 16 феврал баромад менамуд. Бо хоҳиши созмондиҳандагони чорабинӣ рӯзи 17 феврал низ такроран ин барномаи консертӣ пешкаши иштирокчиён гардид. Ҷараёни чорабинӣ, аз ҷумла барномаи ҳунарии Тоҷикистон тавассути шабакаҳои мухталифи телевизионӣ ва рӯзномаву маҷаллоти даврии Салтанати Уммон ба таври васеъ инъикос гардид. Таҳлилҳо нишон медиҳанд, ки баргузории чунин чорабиниҳо барои тавсеаи робитаҳои минбаъда дар ин самт мусоидат хоҳад намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






