Ҷаласаи ҷамъбастӣ

Душанбе, 13 феврал. (АМИТ «Ховар», Дилшодаи Хайруллоҳ). — Вазири кишоварзии Ҷумҳурии Тоҷикистон Қосим Қосимов дар ҷараёни ҷаласае, ки 12 феврал баргузор гардид, дастурҳои дастгоҳи вазорат ва созмонҳои зертобеъ оид ба роҳандозӣ намудани тадбирҳои ҷумҳуриявӣ барои давраи то 1 феврали соли 2013 – ро мавриди баррасӣ қарор дод.Қосим Қосимов ҳамчунин ҳозиронро бо вазифаҳое шинос намуд, ки Президенти кишвар Эмомалӣ Раҳмон 11 феврали соли 2013 дар ҷаласаи Ҳукумат ба миён гузошта буд. Дар ҷаласаи ҷамъбастӣ ҳамчунин барои расонидани кӯмаки ҳамаҷониба ба интернати кӯҳансолону маъюбони ноҳияи Ёвон, гузаронидани ярмаркаҳои фурӯши ниҳолҳои дарахтони мева, парвардаю гул ва тухмии зироатҳои мухталиф дар вилоятҳо, ноҳияҳо ва шаҳрҳои ҷумҳурӣ дастурҳо дода шуданд.