Ҷаласаи нахустини Шӯрои ҳамоҳангсози байниидоравӣ

Душанбе, 28 феврал. (АМИТ «Ховар», Дилшодаи Хайрулло).- 26 феврали соли ҷорӣ ҷиҳати татбиқи Қарори Ҳукумати Ҷумҳурии Тоҷикистон «Дар бораи Барномаи таълим дар соҳаи ҳуқуқи инсон барои солҳои 2013-2020» дар мақомоти Ваколатдори ҳуқуқи инсон ҷаласаи нахустини Шӯрои хамоҳангсози байни идоравӣ баргузор гардид. Дар ҷаласаи нахустин аъзои Шӯро перомуни меъёрҳои байналмиллалӣ оид ба таълим дар соҳаи ҳуқуқи инсон ва пешомади қабули «Барномаи таълим дар соҳаи ҳуқуқуқи инсон барои солҳои 2013-2020», муаррифии «Барномаи таълим дар соҳаи ҳуқуқи инсон, сатҳи таълими ҳуқуқи инсон дар муасисаҳои олии таълимӣ ва такмили ихтисос» табодули афкор намуданд.Ҳамчунин дар нахустин ҷаласаи Шӯрои ҳамоҳангсози байни идоравӣ муовини раис ва котиби Шӯро пешниҳод ва аз тарафи иштирокдорон интихоб гардиданд. Шӯро фаъолияти вазорату идораҳо ва ташкилоту муассисаҳоро ҷиҳати татбиқи Барномаи мазкур ҳамоҳанг месозад. Татбиқи Барнома дар се марҳила амалӣ мегардад: марҳилаи якум солҳои 2013-2014, марҳилаи дуюм солҳои 2015-2018, марҳилаи сеюм солҳои 2019-2020.Дар ҷаласа нақшаи кори Шӯрои ҳамоҳангсози байнидоравӣ барои давраи якум – солҳои 2013-2014 тасдиқ гардид.