Ҷалби муҳоҷирони меҳнатӣ ба суғуртаи давлатӣ
Душанбе, 4 феврал. (АМИТ «Ховар», Ибодат Давлатова).-Масъалаҳои вобаста ба баргузории Конфронси байналмилалӣ дар мавзўи «Таҷрибаи ҷаҳонии ҳифзи иҷтимоии муҳоҷирони меҳнатӣ» дар мулоқоти вазири меҳнат ва ҳифзи иҷтимоии аҳолии Ҷумҳурии Тоҷикистон Маҳмадамин Маҳмадаминов бо директори Ассотсиатсияи байналмилалии фондҳои суғуртавӣ ва нафақавӣ Евгений Аметов муҳокима гардид.Тавре ки ба мухбири АМИТ «Ховар» аз маркази матбуотии Вазорати мазкур иттилоъ доданд, дар вохўрӣ баргузории конфронсе, ки бо дастгирии Президенти Ҷумҳурии Тоҷикистон дар моҳи майи соли 2013 дар шаҳри Душанбе ба нақша гирифта шудааст, мавриди баррасӣ ва муҳокима қарор гирифт.Зикр кардан ба маврид аст, ки Агентии давлатии суғуртаи иҷтимоӣ ва нафақа ҳанўз аз соли 1992 узви Ассотсиатсияи мазкур мебошад ва дар миёни дигар давлатҳои аъзои ИДМ аввалин шуда, механизми пардохти маблағҳои андўхти нафақавии шахсони суғурташударо ба роҳ мондааст. Ҳоло ин масъала дар кишварҳои дигар ҳамчун таҷриба мавриди омўзиш қарор дода шудааст.Ташаббуси мақомоти соҳаи ҳифзи иҷтимоии Ҷумҳурии Тоҷикистонро ба назар гирифта, Ассотсиатсияи байналмилалии фондҳои суғуртавӣ ва нафақавӣ мақсад гузошт, то конфронси сатҳи байналмилалиро вобаста ба масъалаи ҷалби муҳоҷирони меҳнатӣ ба суғуртаи давлатии иҷтимоӣ ва таъмини ҳуқуқҳои иҷтимоии онҳо дар шаҳри Душанбе доир намояд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






