Ҷаримаи 120 нафар барои вайрон кардани қонуни замин

Кӯлоб, 14 феврал. (АМИТ «Ховар», С.Холов). – Масъулини кумитаи заминсозии ноҳияи Мир Сайид Алии Ҳамадонӣ дар давоми соли 2012 – ум 120 нафар вайронкунандагони қонуни заминро дар масоҳати 84,2 гектар ба маблағи 23 400 сомонӣ ҷарима карда, 15 500 сомонии онро ба суратҳисоби махсуси кумита ворид намуданд. Ба гуфти раиси кумитаи заминсозии ноҳия Мунавваршо Ташрипов аз 120 ҳолати вайронкунии қонун 88 ҳолати он дар майдони 67,2 га бартараф шуда, ба прокуратура 3 мавод, ба суд 4 мавод барои додани баҳси ҳуқуқӣ пешниҳод шуд. Манбаъ афзуд, ки дар асоси дастуру супоришҳои Сарвари давлат ва консепсияи истифодаи замини ҶТ ҷиҳати ба гардиши кишоварзӣ ворид кардани заминҳои обӣ дар ин самт 2 га замини кишоварзӣ, 64 га ҷангалу бешазор, ки ба замини ғайрикишоварзӣ мансубият доштанд, ба заминҳои кишоварзӣ ворид шуданд.