Ҷонибдории 10 қонуни нав
Душанбе, 28 феврал.(АМИТ «Ховар», Марзия Саидова).- Даҳ қонуни наву мукаммалро имрӯз аъзои палатаи болоии Парлумони мамлакат-Маҷлиси миллӣ зимни баргузории иҷлосияи сенздаҳуми Маҷлиси миллии Маҷлиси Олии Ҷумҳурии Тоҷикистон баррасӣ ва ҷонибдорӣ намуданд. Инҳо Қонуни конститутсионии Ҷумҳурии Тоҷикистон «Дар бораи тартиби ҳалли масъалаҳои сохти марзиву маъмурии Ҷумҳурии Тоҷикистон», Қонунҳои Ҷумҳурии Тоҷикистон «Дар бораи силоҳ», «Дар бораи иттифоқҳои қарзӣ», «Дар бораи савдо ва хизматрасонии маишӣ», «Дар бораи созишномаи сармоягузорӣ», «Дар бораи чарогоҳ», «Дар бораи тайёрии варзишӣ», «Дар бораи пешгирии зӯроварӣ дар оила», «Дар бораи суғуртаи ҳатмии нафақавӣ» ва «Дар бораи матбуоти даврӣ ва дигар воситаҳои ахбори омма» мебошанд. Раисони кумитаҳои Маҷлиси миллӣ ҷонибдории қонунҳои наву мукаммалро аз сӯи палатаи болоии Парлумони мамлакат талаботи равандҳои ҷомеаи мусоири Тоҷикистон арзёбӣ намуданд. Зикр шуд, ки қонунҳои нав пеш аз ҳама ба рушди иқтисодиёти миллӣ, ҷалби сармояи хориҷӣ, баланд бардоштани сатҳи иҷтимоии ҷомеаи кишвар, ҷилавгирӣ аз хушунати хонаводагӣ, рушди оммавияти варзиш, озодии матбуот ва густариши равандҳои ҷомеаи шаҳрвандӣ дар ҷумҳурӣ мусоидат намуда, масъалаҳои марбут ба сохти марзиву маъмурии ҷумҳуриро ба танзим медароранд. Мавриди зикр аст, ки қонунҳои мазкурро қаблан вакилони палатаи поёнии Парлумони мамлакат –Маҷлиси намояндагон муҳокима ва қабул намуда, ҷиҳати ҷонибдорӣ ба Маҷлиси миллӣ ироа сохтаанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






