Аҳолӣ минбаъд 12 соат барқ мегирад
Душанбе, 27 феврал. (АМИТ «Ховар», Кристина Эрлих). – Бо супориши Ҳукумати Ҷумҳурии Тоҷикистон аз 26 феврал ба аҳолии минтақаҳои Тоҷикистон дар як шабонарӯз баробари 12 соат нерӯи барқ дода мешавад. Дар ин бора роҳбари дафтари матбуоти Ширкати саҳҳомии холдингии кушодаи «Барқи тоҷик» Нозир Ёдгорӣ ба мухбири АМИТ «Ховар» хабар дод. Мувофиқи суханони Нозир Ёдгорӣ, акнун аҳолии минтақаҳои ҷумҳурӣ аз соати 5:00 то 11:00 субҳ ва аз соати 17:00 то 23:00 шом нерӯи барқ мегирад. Сабаби зиёд шудани соатҳои додани нерӯи барқ шароити мусоиди обу ҳаво ва афзудани тавлиди нерӯи барқ мебошад.Қобили зикр аст, ки тайи моҳҳои декабр – январи солҳои 2012 ва 2013 аҳолии минтақаҳои Тоҷикистон ҳар шабонарӯз баробари 6 – 7 соат нерӯи барқ мегирифт. Аз 11 феврали соли равон ин нишондиҳанда ба 9 соат расид. Алҳол масъалаи пурра аз байн бурдани реҷаи додани барқ пурра ҳал нашудааст, зеро он вобаста ба шароити обу ҳаво ва вазъи оби равони дарёи Вахш мебошад. Назар ба гуфтаи Нозир Ёдгорӣ, тавлиди нерӯи барқ ҳар шабонарӯз дар кишвар 44 – 46 миллион киловатт – соатро ташкил медиҳад. Солҳои гузашта дар ҳамин давра ҳар шабонарӯз 38 миллион киловатт – соат нерӯи барқ тавлид мешуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






