Баҳисобгирии муҳоҷирон

Душанбе, 11 феврал. (АМИТ «Ховар», Ибодат Давлатова).-Мутобиқи Низомномаи Хадамоти муҳоҷират баҳисобгирии рафту омади шаҳрвандон тибқи қарори Ҳукумати Ҷумҳурии Тоҷикистон «Дар бораи бақайдгирии муҳоҷирати шаҳрвандони Ҷумҳурии Тоҷикистон ба хориҷа ва бозгашт аз хориҷа» ба роҳ монда шудааст.Дар давраи ҳисоботӣ ба хориҷа 877 335 нафар шаҳрванди ҷумҳурӣ сафар намуд, ки аз ин теъдод, 753 328 нафараш мард ва 124 007 нафараш зан мебошад. Аз шумораи умумии шаҳрвандони ба хориҷа сафар намуда, 744 360 нафарашон муҳоҷирони меҳнатӣ мебошанд, ки нисбат ба соли 2011- 6031 нафар кам мебошад. Аз теъдоди умумии муҳоҷирони меҳнатӣ 657 345 нафарашон мардҳо ва 87 015 нафарашонро занҳо ташкил медиҳанд.Хадамоти муҳоҷират на танҳо шумораи муҳоҷирони меҳнатӣ, балки рафтуомади тамоми шаҳрвандони ҷумҳуриро ба самтҳои зерин ба ҳисоб мегирад, аз ҷумла 55 711- нафар бо корҳои шахсӣ, 45 855 — нафар- бо мақсади тиҷорат, 14 384 — нафар — бо мақсади сайёҳат, 9 834 — нафар — бо корҳои хизматӣ, 7 191- бо мақсади таҳсил ба хориҷа сафар намуданд. Дар ин бора ба мухбири АМИТ «Ховар» аз шуъбаи робита бо ҷомеаи ХМ назди Ҳукумати ҶТ иттилоъ доданд.