Баррасии мушкилоти транзитӣ дар Исломобод

Февраль 14, 2013 14:41

Душанбе, 14 феврал. (АМИТ «Ховар», Марзия Саидова).- Тақвияти робитаҳои ҳасанаи ду кишвари ҳамҷавор –Тоҷикистону Афғонистон дар Исломобод дар ҷараёни мулоқоти Шукурҷон Зуҳуров-раиси Маҷлиси намояндагони Маҷлиси Олии ҷумҳурӣ ва Неъматуллои Ҷаъфарӣ, муовини раиси Луи Ҷиргаи Афғонистон матраҳ гардид. Зикр шуд, ки густариши робитаҳои байнипарлумонӣ миёни ду давлат барои таҳкими ҳамкориҳо дар бахшҳои иқтисодию тиҷоратӣ омили муҳимест. Ш. Зуҳуров изҳор дошт, ки Тоҷикистон хостори таъмини суботу амният дар Афғонистон аст, зеро оромии кишварҳои минтақа аз суботи Афғонистон вобастагии комил дорад. Мусоҳибон бо дахли масоили тавсеаи робитаҳои парлумонӣ ба таҳкими ҳамкориҳои ду кишвар дар бахшҳои иқтисоду тиҷорат, татбиқи пружаҳои минтақавӣ дар бахши энергетика, нақлиёт ва коммуникатсия ибрози назар карданд. Хусусан ҷонибҳо ба масоили бунёди роҳи оҳан, ки Тоҷикистону Афғонистон ва Покистонро бо ҳам мепайвандад, таваҷҷуҳ зоҳир карда, таъкид намуданд, ки нисбат ба ин масъала бояд ҳар се давлат диққати ҷиддӣ диҳанд. Ҳамзамон мусоҳибон атрофи ба имзо расонидани Созишномаи сегонаи савдои транзитии Тоҷикистону Афғонистон ва Покистон, интиқоли хати барқ аз Тоҷикистон ба Афғонистону Покистон, ҳалли мушкилоти транзитӣ дар марзи Покистону Афғонистон, ки аз он тавассути нақлиёти боркаш молу маҳсулоти саноатӣ ва озуқа ба Тоҷикистон интиқол мегардад, амнияти минтақа ва соири масоили мавриди таваҷҷуҳи тарафайн табодули назар карданд. Мавриди зикр аст, ки Шукурҷон Зуҳуров зимни иштирок дар конфронси якуми Ассамблеяи байнипарлумонии Созмони ҳамкориҳои иқтисодӣ, ки рӯзҳои 11-12 феврал дар Исломободи Покистон доир гардид, аз ёдгориҳои таърихӣ ва Ассамблеяи Миллии Покистон дидан намуда, бо сохтор ва фаъолияти ин мақоми олии қонунбарори Покистон ошно шуд.

Февраль 14, 2013 14:41

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд