Беҳтаринҳоро ба Теҳрон мефиристанд
Душанбе, 25 феврал.(АМИТ «Ховар», Марзия Саидова).-Интизор меравад, ки охири моҳи феврал як гуруҳ аз масъулини Вазорати улум ва фановарии Эрон озими Душанбе мегарданд. Онҳо зимни баргузор намудани озмун аз 50 нафар донишҷӯи тоҷик имтиҳон мегиранд ва беҳтаринҳоро интихоб намуда, барои таҳсил ба Донишгоҳи давлатии Теҳрон мефиристанд. Абдусаттор Одинаев- мудири шуъбаи таҳсилоти байналмилалии Вазорати маорифи ҷумҳурӣ мегӯяд, ки 50 нафар ҷавонон донишҷӯёни донишгоҳҳои гуногуни ҷумҳурӣ мебошанд. Таҳсили ҷавонони тоҷик дар Донишгоҳи Теҳрон дар асоси Созишномаҳои байнидавлатӣ, ки қаблан миёни вазоратҳои марбутаи ҳар ду кишвар ба имзо расида буданд, сурат мегирад. Масъули бахши таҳсилоти байналмилалии Вазорати маорифи кишвар афзуд, ки донишҷӯёни тоҷик дар бахшҳои илмҳои дақиқ, табиию риёзӣ, иқтисодиёт, менеҷмент, технологияи иттилоотӣ, заминсозӣ, геология таҳсил менамоянд. Алҳол дар Эрон беш аз 130 нафар донишҷӯи тоҷик ба таҳсил фаро гирифта шудаанд. Тибқи омори Вазорати маорифи ҷумҳурӣ дар соли сипаригардида беш аз 2 ҳазору 200 нафар шаҳрванди Тоҷикистон ҷиҳати таҳсил тибқи квота ба хориҷи кишвар фиристонида шудаанд, ки қисмати бештари он — 777 нафар ба Русия рост меояд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






