Боздиди М. Маҳмадаминов аз Суғд
Суғд, 14 феврал. (АМИТ “Ховар», Самад Юсуфӣ).- Чанде қабл вазири меҳнат ва ҳифзи иҷтимоии аҳолии ҶТ Маҳмадамин Маҳмадаминов ба вилояти Суғд сафари корӣ намуд. Ҳадафи сафар таъсиси ҷойҳои кории нав, боздид аз марказҳои касбомузӣ ва буду боши рӯзона, бартараф намудани қарздорӣ аз пардохти музди меҳнат, ҷараёни ҷамъоварии андози иҷтимоӣ ва пардохти саривақтии нафақаву кӯмакпулиҳо буд. Директори Агентии давлатии ҳифзи иҷтимоӣ, шуғли аҳолӣ ва муҳоҷират Нурулло Маҳмадуллоев доир ба қарорҳои Ҳукумати ҶТ аз 20-ноябри соли 2012 дар бораи идомаи тадбиқи механизими таҷрибавии кӯмаки унвонии иҷтимоӣ ба оилаҳо ва шаҳрвандони камбизоат дар шаҳру ноҳияхои Хуҷанд, Истаравшан ва Айнӣ сухан гуфт.Бояд гуфт, ки рӯзи 12-феврали соли 2013 вазири меҳнат ва ҳифзи иҷтимоии аҳолии ҶТ Маҳмадамин Маҳмадаминов ва муовини ӯ Эминҷон Сангинов аз субҳ шаҳрвандонро дар толори ҳукумати шаҳри Хучанд қабул карда, ба дархост ва саволҳои онҳо ҷавобҳои мушаххас доданд. Сипас ба аёдати пиронсолон ва маъюбону беморон рафта, ба онҳо аробачаҳои маъюбӣ ва кӯмакҳои моддӣ расониданд. Дар Регистони бозори Панҷшанбе ярмаркаи ҷойҳои корӣ баргузор гардида, беш аз 200 корхонаи вилоят ҷои кор пешниҳод карданд. Зиёда аз 500 нафар соҳиби ҷои кори доимӣ гардиданд. Вазир ба хонаи пиронсолони «Деҳмой» рафта, аз аҳволи онҳо хабар гирифт.Дар ин сафар меҳмононро раиси шаҳри Хуҷанд Раҷаббой Каримов робаладӣ намуд. Дар ин бора ба мухбири АМИТ «Ховар» сардори идораи шуғли аҳолии вилояти Суғд Рустам Ғиёсов иттилоъ дод.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






