Боздиди О. Оқилов аз корхонаи истеҳсоли криолити Ёвон
Душанбе, 15 феврал. (АМИТ «Ховар», Дилшодаи Хайруллоҳ).-Имрӯз Сарвазири Ҷумҳурии Тоҷикистон Оқил Оқилов дар ноҳияи Ёвони вилояти Хатлон аз маҳали сохтмони корхонаи истеҳсоли криолит ва алюминийи фтордор боздид ба амал овард. Мувофиқи нақша арзиши лоиҳавии сохтмони корхонаи мазкур 66 миллиону 270 ҳазор доллари амрикоиро ташкил дода, дар айни ҳол ба маблағи 40 миллион доллари амрикоӣ корҳои сохтмонӣ ба анҷом расида ва навад дар сади дастгоҳу таҷҳизоти истеҳсолӣ дастрас гардидаанд.Дар заминаи корхонаи истеҳсоли криолит ва алюминийи фтордор, ки бо мақсади таъмини корхонаи алюминии тоҷик бо ашёи хоми маҳаллӣ бунёд мегардад, ҳамчунин сохтмони ду корхонаи дигар — яке корхонаи ҳозиразамони кимиёвӣ бо харҷи 111 миллион доллари амрикоӣ ва дуюмӣ- корхонаи истеҳсоли кислотаи сулфат бо маблағи 35 миллион доллари амрикоӣ ба нақша гирифта шудааст. Оқил Оқилов роҳбарияти вилоят, ноҳия ва дигар шахсони масъули соҳаро вазифадор кард, ки барои идомаи корҳои сохтмонӣ, дарёфти манбаъҳои маблағузорӣ ва таъмини доимии корхонаҳои бунёдшаванда бо об ва нерӯи барқ тадбирҳои зарурӣ андешида, тамоми имконият ва захираҳои мавҷударо барои тезонидани суръати сохтмони корхонаҳои мазкур истифода намоянд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






