Бозигари «Истиқлол» ба дастаи «Жетису» мегузарад

Душанбе, 26 феврал.(АМИТ «Ховар», Баҳманёр Муродов).- Бино ба иттилои сомонаи расмии Федератсияи футболи Тоҷикистон футболбози ҷавони кишвар Даврон Эргашев дар садади бастани шартнома бо дастаи «Жетису»-и Ҷумҳурии Қазоқистон аст. Манбаъ меафзояд, ки шартномаи мазкур рӯзҳои наздик ба имзо расида, ҳимоятгари дастаи мунтахаб ва дастаи «Истиқлол» дар мавсими оянда дар «Жетису» бозӣ хоҳад кард. Ин аввалин бор нест, ки як клуби қазоқӣ ба футболбози тоҷик таваҷҷуҳ зоҳир мекунад. Қаблан дастаи «Иртиш» низ хостори ин бозигари тоҷик шуда буд. Ин ҳам дар ҳолест, ки дастаи «Жетису» ҳафтаи гузашта дар як бозии рафиқона аз дастаи «Равшан»- Кӯлоб бо ҳисоби калони 1:5 шикаст хӯрда буд.