Бунёди нерӯгоҳҳои хурду миёна вусъат меёбад

Душанбе, 15 феврал. (АМИТ «Ховар», Кристина Эрлих). — Дар кишвар сохтмони нерӯгоҳҳои хурду миёнаи барқӣ давом дорад. Дар ҳошияи барномаи давлатӣ ҷиҳати бунёди нерӯгоҳҳои хурд дар минтақаҳои душворгузару дурдасти Тоҷикистон имсол 14 нерӯгоҳи хурд бунёд мешавад. Дар ин бора аз Вазорати энергетика ва саноати ҶТ ба АМИТ «Ховар» хабар доданд.Алҳол дар Тоҷикистон 282 нерӯгоҳи хурд мавҷуд аст, ки иқтидори умумиашон 25 ҳазор киловаттро ташкил медиҳад. Баъди мавриди истифода қарор гирифтани нерӯгоҳҳои навбатӣ, теъдоди нерӯгоҳҳои хурди ҷумҳурӣ ба 296 адад мерасад. Мувофиқи маълумоти Вазорати энергетика ва саноати ҶТ, соли 2012 дар кишвар 17 нерӯгоҳи нави хурд ба истифода дода шуд, ки иқтидори умумиашон беш аз 1 ҳазору 800 киловаттро ташкил медиҳад.