Чанд хабар аз хориҷи кишвар
Тӯфони шадид дар уқёнуси Ором Душанбе, 07 феврал. (АМИТ «Ховар»).- Мувофиқи иттилои шабакаи интернетии www.rg.ru дар ҷазираҳои Саломон, воқеъ дар Уқёнуси Ором тўфони шадид ба вуқуъ омад, ки дар натиҷа бисёр манзилҳои истиқоматӣ зери об монданд. Баъди чанд рӯз заминларза низ ба қайд гирифта шуд. Мутахассисони соҳаи геологияи кишвар мегӯянд, ки қувваи заминларза аз рўи ҷадвали Рихтер ба 6 — 8 балл мерасид. Бояд гуфт, ки чунин офати табиӣ дар ин ҷазираҳо бори аввал набуда, қариб дар ҳар шаш моҳ рух медиҳад. Маълумоти мушаххас дар бораи талафоти ҷонӣ ва харобаҳои офати табиӣ то ҳол дода нашудааст. Ифротгароӣ дар Мали Душанбе, 07 феврал. (АМИТ «Ховар»).- Дар қисми шимолии Мали муборизаи ҷангиёни ифротгарои исломӣ бар зидди нерўҳои давлатӣ ва низомиёни Фаронса идома дорад. Вазири корҳои хориҷии Фаронса дар як нишасти матбуотӣ иброз дошт, ки моҳи марти соли 2014 нерўҳои хешро аз Мали хориҷ хоҳад кард. Ба иттилои Вазорати корҳои дохилии Мали дар айни замон дар қаламрави Мали 400 ҳазор нерўҳои Фаронса бар зидди террористон мубориза мебаранд. Дар нишасти сиёсатмадороне, ки дар шаҳри Брюссел ҷараён гирифт, масъалаи фиристодани мутахассисони соҳаҳои гуногун ва барқарорсозии Мали баррасӣ гардид. Лозим ба ёдоварист, ки то ҳол дар қисми шимолии Мали бархўрди ҷонибҳо ба назар мерасад, ки қариб ҳамарўза аҳолии осоишта қурбон мегарданд. Тарҷумаи Иброҳими Ҳабибуллоҳ








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






