«Чархи гардон»- намоиши нави театри Лоҳутӣ

Душанбе, 16 феврал. (АМИТ «Ховар», Баҳманёр Муродов). -Дирӯз дар толори театри академикӣ-драмавии ба номи Абулқосим Лоҳутӣ нахустнамоиши спектакли «Чархи гардон» баргузор гардид.Намоишнома ба қалами Нурмуҳаммад Табаров тааллуқ дошта, онро Ҳунарманди мардумии Тоҷикистон Убайдулло Давлатов ба саҳна гузоштааст.Мавзӯи намоиш зиндагонии аҳли дарбор, мухолифатҳои дохилидарборӣ ва муносибати байни давлатҳо дар замони амирии Султон Маҳмуди Ғазнавӣ буда, ба тамошобин некиву накӯкориро талқин мекунад. Ҳамчунин ҳунармандоне, чун Улфатшоҳ Аҳмадшоев, Ортиқи Қодир, Исо Абдурашидов, Носир Ҳасанов Қиёмиддин Чақалов бо бозӣ дар ин намоишнома тавонистаанд ҳадафи муаллиф ва таҳиягари намоишро ба бинанда расонанд.Гуфта мешавад ин яке аз беҳтарин намоишҳоест, ки театри Лоҳутӣ дар чанд соли охир таҳия кардааст.