Дӯст ояд гарм дар оғӯш гир…
Душанбе, 11 феврал.(АМИТ «Ховар», Марзия Саидова).- Дар доираи таҷлили 20-умин солгарди барқарории муносибатҳои дипломатии Тоҷикистону Туркманистон 15 феврал дар Театри давлатии опера ва балети ба номи С. Айнӣ консерти устодони санъати Тоҷикистону Туркманистон барпо гардида, ҳамзамон расму мусаввараҳои рассомони шинохтаи Турманистон ба маърази тамошо гузошта мешавад. Аз Сафорати Туркманистон дар Душанбе ба АМИТ «Ховар» иттилоъ доданд, ки ҳайати фарҳангии Туркманистон рӯзи 14 феврал ба Душанбе ташриф меорад. Интизор меравад, ки ҳайати фарҳангиёни Туркманистон ба ноҳияи Ҷилликӯл сафар карда, бо турмантаборҳое, ки дар ин ноҳия муқимӣ ҳастанд, дидору мулоқот намоянд ва барномаи консертиро, ки таҷассумгари дӯстиву рафоқат ва бародарӣ миёни мардумони тоҷику туркман аст, пешкаши сокинони ин ноҳия гардонанд.
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
