Дар ҷануби кишвар беморхонаи бисёрсоҳавӣ сохта мешавад

Февраль 20, 2013 15:21

Душанбе, 20 феврал. (АМИТ «Ховар», Марзия Саидова).-Созишномаи қарзии иловагӣ байни Ҷумҳурии Тоҷикистон ва Фонди ОПЕК оид ба рушди байналмилалӣ дар хусуси лоиҳаи беморхонаи бисёрсоҳавии Данғараро имрӯз вакилони палатаи поёнии парлумони мамлакат баррасӣ ва тасдиқ карданд.  Вазири молияи ҷумҳурӣ Сафаралӣ Наҷмиддинов ва вакили палатаи поёнии парлумони мамлакат Ашӯрбек Расулов зимни ташреҳи санади мазкур зикр намуданд, ки Созишнома 14 декабри соли 2012 дар шаҳри Вена ба имзо расидааст ва аз тарафи Президенти Ҷумҳурии Тоҷикистон ҷиҳати тасдиқ ба Маҷлиси намояндагон пешниҳод гардидааст. Лоиҳаи асосии Созишнома бо маблағгузории Фонд ҳамчун қарз бо мақсади хизматрасонии тиббии мақсаднок ба аҳолии вилояти Хатлон ва минтақаҳои атрофи он — дар қисми ҷанубу ғарбии Тоҷикистон, тавассути сохтмони беморхонаи бисёрсоҳавии нави пурра муҷҷаҳаз дар Данғара татбиқ мешавад. Ҳамзамон дар асоси Созишномаи қарзии иловагӣ таҷҳизоти тиббӣ, мебел ва лавозимоте, ки барои беморхонаи бисёрсоҳавии Данғара пешниҳод мешавад, аз ҷумла таҷҳизоти тиббӣ барои ташхис, кардиология, муолиҷаи интенсивӣ, лабораторӣ, эндоскопӣ ва физиотерапия ва таҷҳизоти ғайритиббӣ харидорӣ мегардад.

Февраль 20, 2013 15:21

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд