Дар 45 рӯз 41 нафар дар садамаи нақлиётӣ фавтид

Душанбе, 15 феврал. (АМИТ «Ховар», Баҳманёр Муродов). -Хадамоти матбуоти Раёсати Бозрасии давлатии автомобилии Вазорати корҳои дохилӣ иттилоъ додааст, ки аз оғози соли ҷорӣ то имрӯз дар роҳҳои мошингарди кишвар 128 садамаи нақлиётӣ рух дода, дар натиҷа 41 нафар ба ҳалокат расидаанд ва 152 нафари дигар ҷароҳатҳои гуногуни ҷисмонӣ бардоштаанд.  «Аз ҷумла, чанд рӯз қабл дар ҷумҳурӣ 5 садамаи роҳу нақлиётӣ ба қайд гирифта шуд, ки бар асари он як нафар фавтида, 6 каси дигар ҷароҳати гуногуни ҷисмонӣ бардоштанд»,-хабар дод манбаъ.