Дар Муъминобод корҳои сохтмонӣ рушд меёбанд

Кӯлоб, 6 феврал. (АМИТ «Ховар», С.Холов). – Бинобар иттилои раиси ноҳияи Муъминобод Пирмад Зарипов рушди корҳои сохтмонӣ дар ноҳия нисбат ба соли сипаригардида ду баробар афзудааст. Дар соҳаи сохтмон дар соли 2012 аз ҳисоби ҳамаи манбаъҳо 16 миллиону 235 ҳазору 900 сомонӣ маблағгузории асосӣ азхуд шуд, ки нисбат ба ҳамин давраи соли гузашта 8 миллиону 545 ҳазор сомонӣ зиёд мебошад. Корҳои сохтмону васлкунӣ дар ҳаҷми 14 миллиону 328 ҳазору 300 сомонӣ иҷро гардида, дар ин давра дар ҳаҷми 3415 метри мураббаъ хонаҳои истиқоматӣ сохта шудаанд. Сохтмони мактаб барои 320 ҷой дар ҷамоати Боғигай бо маблағгузории Вазорати маорифи ҶТ, таъмиру барқарорсозии хонаи 32 – ҳуҷрадор барои табибон, сохтмони 6 мактаб барои 1740 ҷои нишаст ба нақша гирифта шудааст, ки дар 5- тои он корҳои сохтмонӣ оғоз гардидааст.