Дарвозабони сербиягӣ ба «Истиқлол» омад

Душанбе, 2 феврал. (АМИТ «Ховар», Баҳманёр Муродов).- Дарвозабони 19-сола аз Сербия Никола Стошич баъди имзои шартнома бо дастаи «Истиқлол» дирӯз ба Душанбе омад. Ин дарвозабон пештар дар клубҳои «Ред Стар» ва «Рад»- Сербия ва дастаи мунтахаби ҷавонони ин кишвар бозӣ кардааст.  Сомони расмии клуби футболи «Истиқлол» ҳамчунин навиштааст, ки аз Сербия боз як мутахассис — Никола Лазаревич ба ҳайати даста шомил шуда ва ӯ чун мураббӣ дар самти омодагии ҷисмонии бозигарон фаъолият менамояд. Мавриди зикр аст, ки дастаи футболи «Истиқлол» аз тимҳои пурқуввати футболи кишвар маҳсуб ёфта, дар соли ҷорӣ барои ба даст овардани «Ҷоми Тоҷикистон» талош хоҳад кард.