Дидори намояндаи «РУСАЛ» аз ПСС ҶТ

Душанбе, 15 феврал. (АМИТ «Ховар», Покиза Маҳмадбекова ). — 14 феврал дар шаҳри Душанбе мулоқоти муовини раиси Палатаи савдо ва саноати Тоҷикистон Лариса Кислякова ва намояндаи ширкати «РУСАЛ» дар Тоҷикистон Вячеслав Давлетянов баргузор гардид. Вячеслав Давлетянов аз самтҳои асосии фаъолияти Намояндагии «РУСАЛ» дар Тоҷикистон нақл кард. Мувофиқи суханони мавсуф, ҷониби Русия тарафдори ҳамкории зич бо мушорикони тоҷикистониаш мебошад. Лариса Кислякова зикр намуд, ки роҳбарияти Палатаи савдо ва саноати Тоҷикистон умедвор аст, ки ҳамкории палата бо ширкатҳои мошинсозии Русия минбаъд ҳам рушду густариш хоҳад ёфт.