Э. Раҳмон аз сафирони нав эътимоднома қабул намуд
Душанбе, 7 феврал. (АМИТ «Ховар»).-Имрӯз Президенти кишвар Эмомалӣ Раҳмон аз сафирони фавқулодда ва мухтори нави 9 давлати ҷаҳон дар Тоҷикистон эътимоднома қабул намуд.Ба Сарвари давлати Тоҷикистон Эмомалӣ Раҳмон эътимодномаҳои худро сафири Австрия Волфганг Баняй, Сафири Шоҳигарии Норвегия Оле Ёҳан Бёрной, Сафири Шоҳигарии Испания Мануэл Ларротҷа Парада, Сафири Шветсия Аке Петерсон, Сафири Ҷумҳурии Мисри Араб Маҳмуд Гамил Аҳмад Элдиб, Сафири Салтанати Уммон шайх Яҳё ибни Абдулло ибни Солим оли Фанна, Сафири Ҷумҳурии Индонезия Фостер Гултом, Сафири Ҷумҳурии Демократии Федеролии Эфиопия Мулату Тешоме ва Сафири Ҷумҳурии Ангола Жоаким Аугусто де Лемуша тақдим намуданд.Президенти кишвар Эмомалӣ Раҳмон зимни суҳбат бо сафирони нави давлатҳои номбурда рушду такомули ҳамкорӣ бо ҳамаи кишварҳои ҷаҳон ва ҳамқадам бо равандҳои пешрафти ҷомеаи ҷаҳонӣ буданро муҳим номида, изҳори боварӣ намуд, ки онҳо барои таҳким ва густариши робитаҳои кишварҳои худ бо Тоҷикистон ҷаҳду талош мекунанд.Ба рушди ҳамкорӣ бо Австрия, Норвегия, Испания ва Шветсия чӣ дар чаҳорчӯби муносибатҳои дуҷониба ва чӣ дар доираи Иттиҳоди Аврупо ва дигар созмонҳо таваҷҷуҳи хос зоҳир гардид.Президенти кишвар Эмомалӣ Раҳмон ба муҳтавои ҳамкории гуногунпаҳлӯ бо Ҷумҳурии Мисри Араб баҳои баланд дода, изҳори боварӣ намуд, ки робитаҳо бо давлати дигари арабӣ — Салтанати Уммон низ густариши бештар пайдо мекунад.Бо ёдоварӣ аз мавқеи хоси кишварҳои Осиёи Ҷанубу Шарқӣ дар сиёсати хориҷии Тоҷикистон изҳори боварӣ карда шуд, ки ҳамкорӣ бо Ҷумҳурии Индонезия дар ояндаи наздик такони ҷиддӣ меёбад.Робитаҳо бо кишварҳои қитъаи Африқо, аз ҷумла Ҷумҳурии Демократии Федеролии Эфиопия ва Ҷумҳурии Ангола, ки асосан дар доираи Созмони Милали Муттаҳид ва дигар созмонҳои байналмилалӣ сурат мегирад, низ дорои дурнамои васеъ арзёбӣ гардид.Сафирон низ дар навбати худ таъкид доштанд, ки барои густариши ҳамкорӣ бо Тоҷикистон ҷаҳду талош мекунанд.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
