Эмомалӣ Раҳмон: «Бонки ҷаҳонӣ бояд воқеъбин бошад!»
Душанбе, 19 феврал. (АМИТ «Ховар», Афшини Муқим).-Дар мулоқоти Президенти Ҷумҳурии Тоҷикистон Эмомалӣ Раҳмон ва директори минтақавии Бонки ҷаҳонӣ оид ба Осиёи Марказӣ Сароҷ Кумар Ҷа сатҳи кунунӣ ва дурнамои ҳамкориҳои Тоҷикистон бо ин ниҳод мавриди муҳокима қарор дода шуд. Сароҷ Кумар Ҷа иттилоъ дод, ки дар давоми чанд соли охир Бонки ҷаҳонӣ ҷиҳати рушди соҳаҳои иқтисодиву иҷтимоии Тоҷикистон беш аз 800 миллион доллари амрикоӣ ҷудо кардааст. Номбурда рушди соҳаи энергетика дар Тоҷикистонро муҳим арзёбӣ намуда, ҷиҳати дастгирии лоиҳаҳои ҷониби Тоҷикистон дар ин бахш изҳори омодагӣ кард. Сарвари давлат Эмомалӣ Раҳмон зикр намуд, ки бояд мавқеи Бонки ҷаҳонӣ ва коршиносони он доир ба сохтмони нерӯгоҳи Роғун воқеъбинона, мустақил ва шаффоф боқӣ монад. Сароҷ Кумар Ҷа дар навбати худ иброз дошт, ки Бонки ҷаҳонӣ иқдом дорад, то тамоми ҷонибҳои манфиатдорро барои муҳокимаи лоиҳаи бунёди нерӯгоҳи Роғун ҷалб намояд, зеро ба бовари Сароҷ Кумар Ҷа муколамаи озоди байни ҳукуматҳо ва ташкилотҳои ҷомеаи шаҳрвандии кишварҳои манфиатдор дар самти беҳтар намудани натиҷаҳои ҳисобот дар доираи лоиҳаи мазкур саҳми назаррас хоҳад дошт. Ҳамчунин дар мулоқот ҷараёни татбиқи лоиҳаи CASA-1000, ки дар доираи он кишварҳои Тоҷикистон, Қирғизистон, Афғонистон ва Покистон шарик хоҳанд буд, мавриди таҳлилу баррасӣ қарор гирифт. Бояд гуфт, ки бо татбиқи ин лоиҳа аз давлатҳои Тоҷикистон ва Қирғизистон ба дигар кишварҳои минтақа нерӯи барқ интиқол хоҳад шуд.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
