Фаҳмида Мирзо ба Душанбе даъват шуд
Душанбе, 12 феврал.(АМИТ «Ховар», Марзия Саидова).- Раиси Маҷлиси намояндагони Маҷлиси Олии ҷумҳурӣ Шукурҷон Зуҳуров зимни сафар ба Покистон бо Раиси Ассамблеяи миллии ин кишвар хонум Фаҳмида Мирзо мулоқот анҷом дод. Дар ҷараёни мулоқот раисони парлумонҳои Тоҷикистону Покистон атрофи масоили густариши ҳамкориҳои мутақобилан судманди ду кишвар дар бахшҳои сиёсӣ, иқтисодӣ, робитаҳои парлумонӣ, энергетика, кишоварзӣ, фарҳангӣ ва дигар мавзуоти мавриди таваҷҷуҳи тарафҳо ибрози назар карданд.
Шукурҷон Зуҳуров зикр кард, ки миёни Душанбе ва Исломобод фазои мусоиди қонуниву ҳуқуқӣ ва сармоягузорӣ ҷиҳати таҳкими ҳамкориҳо дар тамоми соҳаҳо вуҷуд дорад. Таъкид шуд, ки раванди муносиботи байнипарлумонии ду кишвари дӯст бояд ба марҳалаи тоза ворид гардида, барои тақвияти ин муносибот иқдомҳои ҷиддитаре рӯи даст гирифта шаванд. Раиси Маҷлиси намояндагон аз Раиси Ассамблеяи миллии Покистон доктор Фаҳмида Мирзо даъват кард, ки дар вақти барояш муносиб аз Тоҷикистон боздид намояд.
Раиси палатаи поёнии парлумони мамлакат оид ба таъмин будани фазои мусоиди сармоягузорӣ дар Тоҷикистон ба ҳамтои покистонии худ маълумот дода, аз тасмими Покистон ҷиҳати сохтмони корхонаи муштараки тавлиди семент дар шимоли Тоҷикистон ҷонибдорӣ намуда, изҳор дошт, ки бинобар зиёд будани талабот ба семент дар ин минтақаи кишвари мо таъсиси чунин корхона дар вилояти Суғд ба мақсад мувофиқ аст. Мавриди зикр аст, ки Покистон омодагии худро барои сохтмони корхонаи тавлиди семент дар шимоли Тоҷикистон, аниқтараш дар ноҳияҳои Истаравшан, Бобоҷон Fафуров ва Fончӣ бо сармояи 123 миллион $ эълон доштааст.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






