Фаъолияти бонувони соҳибкори Суғд рушд меёбад

Душанбе, 15 феврал. (АМИТ «Ховар», Баҳманёр Муродов). -Бино ба иттилои Хадамоти матбуоти ҳукумати вилояти Суғд раиси вилоят Қоҳир Расулзода барои рушди фаъолият ва дастгирии занони соҳибкори вилоят 15 грант ба маблағи умумии 200 ҳазор сомонӣ таъсис додааст. Ҳамчунин гуфта мешавад, ки аз ин понздаҳ грант 5 грант ба маблағи ҳар кадоме 20 ҳазор сомонӣ ва 10 гранти дигар ба маблағи ҳар яке 10 ҳазор сомонӣ буда, ҳадафи аслии ҳукумати вилояти Суғд бо ин роҳ рушди бештари фаъолияти занони соҳибкори шимоли кишвар мебошад.Ин грантҳоро бонувони соҳибкори Суғд баъди қабулшавӣ ва ғолиб омадани лоиҳаҳояшон дар озмун соҳиб шуда метавонанд.