Фаъолияти зидди минаҳо вусъат меёбад

Душанбе, 20 феврал. (АМИТ «Ховар»). – Бо дастгирии раёсати Созмони амнияту ҳамкорӣ дар Аврупо 19 феврал дар шаҳри Душанбе семинари серӯзаи минтақавӣ дар мавзӯи «Меъёрҳои фаъолияти миллии зидди минаҳо» оғоз ёфт. Дар семинар коршиносон, мутахассисони таҷрибаомӯз ва намояндагони манфиатдори 13 созмонҳое иштирок доранд, ки дар Тоҷикистон, Афғонистон ва Эрон барои безараргардонии минаҳо фаъолият доранд. Ин чорабинӣ ба меъёрҳои миллии фаъолияти зидди минаҳо, аз ҷумла ба масоили безараргардонии минаҳо, таъмини сифат ва истифодаи иттилоот бахшида шудааст. Семинар ҷузъи барномаи иттилоотию тавзеҳотии ба шумор рафта, бо дастгирии Маркази байналмилалии безараргардонии минаҳо дар амал татбиқ карда мешавад.