Фурўши 4000- китоб дар мактабҳои Роғун

Душанбе, 23 феврал. (АМИТ «Ховар»).- Бо ташаббуси Вазорати фарҳанги Ҷумҳурии Тоҷикистон дар шаҳри Роғун намоиш-фурўши китобҳои бадеии бачагона доир гардида, хонандагони мактабҳои миёнаи шаҳр китобҳои зарурии хешро бо нархҳои арзон дастрас намуданд.  Дар рафти ин чорабинӣ 102 номгӯй китоб бо теъдоди умумии зиёда аз 4000-нусха ба фурўш гузошта шуд. Ҳамчунин, дар муассисаҳои таълимии шаҳр маҳфилҳои адабӣ бо иштироки адибон баргузор гардид. Мақомоти иҷроияи маҳалии ҳокимияти давлатии шаҳри Роғун низ аз ин иқдоми Вазорати фарҳанг истиқбол карда, онро барои ҷалби мактаббачагон ба китобдӯстиву китобхонӣ муассир меҳисобад.