Гомҳои устувор дар арсаи ватанпарастию ҳуввиятсозӣ

Февраль 1, 2013 14:17

Душанбе, 1 феврал. (АМИТ «Ховар», Дилшодаи Хайруллоҳ).- Дирӯз раиси Кумитаи ҷавонон, варзиш ва сайёҳии назди Ҳукумати ҶТ Маликшо Неъматов бо курсантҳои омӯзишгоҳи олии сарҳадии Сарраёсати қӯшунҳои сарҳадии Кумитаи давлатии амнияти миллӣ мулоқот анҷом дод. М. Неъматов гуфт, ки насли ҷавон имрӯз тавассути рӯ овардан ба донишандӯзию мутолиоти саросарӣ, бедорию ҳушёрии иҷтимоӣ, сиёсӣ ва фарҳангӣ, мусоидат дар ҳимояи марзу буми ватан, таҳкими артиш ва пояҳои давлатдории миллӣ метавонад ба қишри фаъоли иҷтимоӣ табдил ёфта, дар эъмори ҷомеаи муосири демократӣ, дунявӣ ва мутамаддин саҳми бориз гузорад. Истиқлолияти давлатӣ,-афзуд Маликшо Неъматов,- ба ҳар фарди солимақли ҷомеа имкон медиҳад, ки дар масири худогоҳию худшиносӣ ва ватанпарастию ҳуввиятсозӣ гомҳои устувор ниҳад.   Ёдовар мешавем, ки 30 январи соли ҷорӣ мулоқоти муовини раиси кумита Мавсума Муинова ва масъулини бахши ватанпарастӣ бо сарбозони қисми ҳарбии 2620 Сарраёсати қӯшунҳои сарҳадӣ доир шуд. Дар ҷараёни мулоқоти мазкур, ки дар доираи чорабиниҳои бахшида ба 20-солагии Рӯзи таъсиси Қувваҳои Мусаллаҳи Ҷумҳурии Тоҷикистон сурат гирифт, масъулин ҷавононеро, ки ихтиёран дар сафи артиш хизмат доранд, бо туҳфаҳо, аз қабили китобҳои тозанашре, ки хусусияти ватанпарастона доранд ва бо дастгирии кумита рӯйи чоп омадаанд, лавозимоти варзишиву маводи гигиенӣ қадрдонӣ карданд. Дар ҷараёни вохӯриҳо, ки охири моҳи январ оғоз шудаву идома доранд, масъулини кумита бо тарзи зист ва хизмати ҷавонон дар сафи Қувваҳои Мусалаҳ ошноӣ пайдо карданд.

Февраль 1, 2013 14:17

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд